በዓልን ከአማች ጋር ማሳለፍ

በዓል ሲመጣ ባለትዳሮች ላይ "ማን ጋር ነው የምንሄደው?" የሚል ጥያቄ ይፈጠራል፡፡ በተጨማሪም ብዙ ሰዎች በዓልን ከአማች ጋር ማሳለፍ ያሳስባቸዋል፡፡ ማሳሰቡ ወደ ጫና እንዳይለወጥ የሚያግዙ አና አለፍ ሲልም ጥሩ ጊዜ ለማሳለፍ የሚረዱ አምስት ነጥቦች፦

 

1. በግልፅ መነጋገር

ቀደም ብሎ የትኛውን በዓል ማን ጋር እንደሚያሳልፉ መነጋገር ጊዜው ሲደርስ የሚፈጠረውን አለመግባባት ያስቀራል፡፡ የትዳር የመጀመሪያዎቹን በዓላት አከባበር የወደፊቱን ልማድ ስለሚወስኑ በጊዜ ተነጋግሮ መወሰኑ የተለያየ ግምት እንዳይኖር ያደርጋል፡፡

 

2. ቅድሚያ ለትዳር አጋር መስጠት

ለባላቸው/ለሚስታቸው ቅድሚያ የሚሰጡ ጥሩ ትዳር ይኖራቸዋል፡፡ ቤተሰቦቻቸውን የሚወዱና የሚያከብሩ ሲሆኑ ለትዳራቸው ግን ከሁሉም በላይ እንደሆነ ያስታውሳሉ፡፡ አንዳንድ ቤተሰቦች ውስጥ የሰው ትዳር ላይ ጣልቃ የሚገባና አስተያየት የሚሰጥ ሰው ይኖራል፡፡ ባልና ሚስት አንድ እንደሆኑ በማሳየት ክፍተት እንዳይፈጠር ማድረግ ይችላሉ፡፡

 

3. መቼ እንደምትመለሱ በቅድሚያ መወሰን

አማች ጋር ከመሄድ በፊት ምን ያህል እንደምትቆዩ ለምን መመለስ እንደለባችሁ መነጋገር፡፡ መሄድ ሲኖርባችሁ ተመሳሳይ መልስ መስጠት ያስችላል፡፡ ሌላ ሀገር የምትሄዱ ከሆነ የምታርፉበትን ቦታ በቅድሚያ ማዘጋጀት ጥሩ ነው፡፡( ከአማች ጋር ቢጃማ ለብሰው መገናኘት የማይመቻቸው ሆቴል ቀደም ብለው እንዲይዙ ይመከራል፡፡)

 

4. አንድ ቀን መሆኑን ማስታወስ

ምንም ይሁን ምን አንድ ቀን መታገስ አይከብድም፡፡ ከተወሰኑ ሰዓታት በኋላ አንደምትመለሱ ማሰብ የተወሰነ መረጋጋት ይፈጥራል፡፡ አማቾች እንዲወዱን መፈለግ ተፈጥሯዊ ነው፡፡ ነገር ግን ጊዜ የሚወስድ ሂደት ነው፡፡ የአሁኑ በዓል በዛ ሂደት ውስጥ አንድ ቀን ብቻ ነው፡፡

 

5. ተጫዋች መሆን

የፈለገ ብንግባባም አማች ጋር መሄድ ይብዛም ይነስም የሆነ ውጥረት ይፈጥራል፡፡ ዝም ብሎ ተቀምጦ አስር ጊዜ "ተጫወት/ቺ" መባል ውጥረቱን ቢያብሰው እንጂ አይቀንሰውም፡፡ ገጠመኝን ማጋራት፣ ጥያቄ መጠየቅ ሁኔታውን ቀለል ያደርገዋል፡፡ የፈለገ ብንቀራረብ ከጓደኞቻችን ጋር የምናወራቸውን ቀልዶች ልናወራ አንችልም(ምክኒያቱ ግልፅ ይመስላል፡፡) በተቻለ መጠን የጋራ የሆኑና የማየከራክሩ ርዕሶችን ማንሳት ጥሩ ጊዜ እንዲኖር ያደርጋል፡፡

 

ባጠቃላይ ከትዳር በኋላ በዓል አዲስ መልክ ይኖረዋል፡፡ በግልፅ በመነጋገር ደስተኛ ትዳር፣ ከአማች ጋር ጥሩ ግንኙነት እንዲሁም አሪፍ በዓል ማሳለፍ ይቻላል፡፡

መልካም በአል